Noticias y alertas

Serviciu Normalización Ḷḷingüística - Conceyu Cangas del Narcea

15/09/2020



















































Esti martes traémosvos una planta medicinal que ta agora en floración plena, la Solidago virga-aurea, al parcer ya sigún vais ver nas fotografías, mui apreciada polos insectos polinizadores. Esta planta conécese en muitos sitios cumo la vara.



La vara yía una planta perenne que rondará los 60-70 cm d'alto de media. Morfolóxicamente, cunta con un tueru chen de fueas ya muitas floriquinas marieḷḷas d'apariencia algo esflechada. Eicha flor ente xunu-santamarina/xunicu/xuneḷḷín ya los santos/noviembre ya tien muitas propiedades medicinales. Dase en contextos naturales diversos ya yía propia d'Europa, ou se da mayoritariamente nas zonas montañosas, na Península Ibérica, por exemplu, abonda na zona norte, particularmente. Amás de n'Europa, dase na zona noroeste d'África ya nas zonas d'Anatolia, Siberia ya'l Cáucaso.



Al parcer, esta planta tien muita eficacia no tratamientu de los problemas de las vías urinarias: cistitis, nefritis, incontinencia urinaria (enuresis) ya hasta de la candidiasis... Amás, cumo diuréticu, facilita la eliminación de la urea ya'l colesterol; aída no tratamientu de la gota ya nas afecciones del fégadu ya tamién ía astrinxente, antiinflamatoria, antiséptica, diaforética (sudorífica), antihelmíntica (elimina las ḷḷombrizas) ya, n'usu tópicu, antifúnxica, vulneraria ya cicatrizante.



Solidago yá la denominación de la planta en latín ya virga-aurea yía un epítetu latinu que significa vara d'ouru ya que, probablemente, s'incorporara n'atención al sou potencial medicinal.



¿Conecéis esta planta? ¿Cúmo la chamáis vós?

Más Información

Cerrar [X]Uso de cookies

Utilizamos cookies propias y de terceros para mejorar nuestros servicios y recopilar datos estadísticos sobre hábitos de navegación. El uso de cookies es necesario para la notificación de incidencias. Si continúa navegando, consideramos que acepta su uso. Puede obtener más información, o bien conocer cómo cambiar la configuración, en nuestra Política de cookies